zindagi bas wo zindagi hogi

zindagī bas vo zindagī hogī

jo kisī hijr meñ kaTī hogī

umr-e-rafta ke ġham meñ kyoñ ro.eñ

terī dahlīz par paḌī hogī

aap kī diid aur chashm-e-faqīr

kis qayāmat kī vo ghaḌī hogī

chāroñ jānib se tiir aa rahe the

shist to aap ne bhī lī hogī

mujh pe āvāze kasne vāloñ meñ

ik numāyāñ sadā tirī hogī

raunaq-e-rāh meñ na gum honā

aglī manzil bahut kaḌī hogī

dil kī sham.eñ jalā rakho pyāre

aadh raste meñ raat bhī hogī

ham jise maut gin rahe haiñ yahāñ

duuje aalam meñ zindagī hogī

zindagi bas wo zindagi hogi

jo kisi hijr mein kaTi hogi

umr-e-rafta ke gham mein kyon roen

teri dahliz par paDi hogi

aap ki did aur chashm-e-faqir

kis qayamat ki wo ghaDi hogi

chaaron jaanib se tir aa rahe the

shist to aap ne bhi li hogi

mujh pe aawaze kasne walon mein

ek numayan sada teri hogi

raunaq-e-rah mein na gum hona

agli manzil bahut kaDi hogi

dil ki shamen jala rakho pyare

aadh raste mein raat bhi hogi

hum jise maut gin rahe hain yahan

duje aalam mein zindagi hogi