zindagi bhar ki shikaston ka sila dena paDa

zindagī bhar kī shikastoñ kā sila denā paḌā

mauj-e-dariyā ko bhī baḌh kar rāsta denā paḌā

teġh ke saa.e meñ dekhīñ jab hamārī jur.ateñ

mere maulā ko bhī phir haqq-e-du'ā denā paḌā

us ke ghar meñ thiiñ siyānī beTiyāñ is vāste

baap ko āñkhoñ kī nīñdoñ ko uḌā denā paḌā

bachche āvāra hue jab is na.ī tahzīb meñ

āḳhirash maañ baap ko ghar hī jalā denā paḌā

'rahbar'-e-partāpgaḌ.h ne jab paḌhī taaza ġhazal

ahl-e-mahfil ko ġham-e-duniyā bhulā denā paḌā

zindagi bhar ki shikaston ka sila dena paDa

mauj-e-dariya ko bhi baDh kar rasta dena paDa

tegh ke sae mein dekhin jab hamari juraten

mere maula ko bhi phir haqq-e-du'a dena paDa

us ke ghar mein thin siyani beTiyan is waste

bap ko aankhon ki nindon ko uDa dena paDa

bachche aawara hue jab is nai tahzib mein

aaKHirash man bap ko ghar hi jala dena paDa

'rahbar'-e-partapgaDh ne jab paDhi taza ghazal

ahl-e-mahfil ko gham-e-duniya bhula dena paDa