aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zindagi chupke se ek baat kaha karti hai

Farah iqbal

zindagi chupke se ek baat kaha karti hai

Farah iqbal

MORE BYFarah iqbal

    zindagī chupke se ik baat kahā kartī hai

    vaqt ke hāthoñ meñ kab Dor rahā kartī hai

    sard shāmoñ meñ chaltī hai udāsī havā

    chāñdnī raat bhī ḳhāmosh rahā kartī hai

    tum to aa.e ho gulāboñ ke liye der ke ba.ad

    qarya-e-jāñ meñ to ab ḳhaak uḌā kartī hai

    be-sabab āñkhoñ meñ aañsū bhī nahīñ aate ab

    vahshat-e-dil bhī kahīñ duur rahā kartī hai

    raushnī meñ to nazar aate haiñ kitne saa.e

    par ye tārīkī to saaya bhī judā kartī hai

    ham bhī kho jā.eñge ik roz ufuq par yūñhī

    kab kisī se ye 'farah' ziist vafā kartī hai

    zindagi chupke se ek baat kaha karti hai

    waqt ke hathon mein kab Dor raha karti hai

    sard si shamon mein chalti hai udasi ki hawa

    chandni raat bhi KHamosh raha karti hai

    tum to aae ho gulabon ke liye der ke baad

    qarya-e-jaan mein to ab KHak uDa karti hai

    be-sabab aankhon mein aansu bhi nahin aate ab

    wahshat-e-dil bhi kahin dur raha karti hai

    raushni mein to nazar aate hain kitne sae

    par ye tariki to saya bhi juda karti hai

    hum bhi kho jaenge ek roz ufuq par yunhi

    kab kisi se ye 'farah' zist wafa karti hai

    Source:

    Koi bhi rut ho (Pg. 161)

    • Author: Farah iqbal
      • Edition: 2011
      • Publisher: Alhamd Publications
      • Year of Publication: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now