زندگی ایک خواب لگتی ہے
ہر حقیقت سراب لگتی ہے
ساعت قرب تھی کہ موج بہار
یاد اس کی گلاب لگتی ہے
داستاں میری سن سکو تو سنو
درد و غم کی کتاب لگتی ہے
اس قدر پیار اس قدر نفرت
تیری فطرت حباب لگتی ہے
زیست لٹکی ہے اب صلیبوں پر
ہر تمنا عذاب لگتی ہے
چہرے کمھلا رہے ہیں کلیوں کے
نیت گل خراب لگتی ہے
عاصمہؔ ہر کتاب زیست مجھے
موت کا انتساب لگتی ہے
مأخذ:
منتخب غزلیں-1982 (Pg. 129)
-
- ناشر: زاہد ملک
- سن اشاعت: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.