zindagi gham ki aanch sah koi
zindagī ġham kī aañch sah koī
yuuñ jalī yuuñ bujhī ki dhuul huī
ham ne bhī jashn-e-gul ko dekhā thā
aaj tak sochte haiñ bhuul huī
kyā kareñ apnī is tabī.at ko
aap se mil ke bhī malūl huī
husn-e-shīrīñ rahā shikār-e-havas
jehd-e-farhād be-husūl huī
ham haiñ vo kushtagān-e-shauq jinheñ
sohbat-e-dār bhī qubūl huī
le sambhal zulmatoñ ke rakhvāle
apnā ab raushnī usuul huī
kis ko hañstā milā chaman meñ 'riyāz'
ġhunchagī kis kī khil ke phuul huī
zindagi gham ki aanch sah koi
yun jali yun bujhi ki dhul hui
hum ne bhi jashn-e-gul ko dekha tha
aaj tak sochte hain bhul hui
kya karen apni is tabiat ko
aap se mil ke bhi malul hui
husn-e-shirin raha shikar-e-hawas
jehd-e-farhad be-husul hui
hum hain wo kushtagan-e-shauq jinhen
sohbat-e-dar bhi qubul hui
le sambhal zulmaton ke rakhwale
apna ab raushni usul hui
kis ko hansta mila chaman mein 'riyaz'
ghunchagi kis ki khil ke phul hui
Source:
Rooh-e-Ghazal,Pachas Sala Intekhab (Pg. 157)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
