zindagi humse KHafa ho jaise

Sahir Hoshiyarpuri

zindagi humse KHafa ho jaise

Sahir Hoshiyarpuri

MORE BYSahir Hoshiyarpuri

    zindagī ham se ḳhafā ho jaise

    ab davā ho na duā ho jaise

    terī furqat meñ huā yuuñ mahsūs

    zindagī ek sazā ho jaise

    is tarah kartā huuñ puujā terī

    mohabbat ḳhudā ho jaise

    aisā armān-e-mulāqāt bhī kiyā

    dil meñ tūfān bapā ho jaise

    ab to ehsās-e-tamannā bhī nahīñ

    qāfila dil luTā ho jaise

    mere hoñToñ pe tirā zikr-e-jamīl

    har nafas mauj-e-sabā ho jaise

    terī āñkhoñ se barastī mastī

    ek mai-ḳhāna khulā ho jaise

    ġham se miltī hai masarrat dil ko

    ġham bhī terī adā ho jaise

    jhanjhanā uTThā hai dil har taar

    aap naam sunā ho jaise

    vo pashemāñ haiñ tabāhī pe mirī

    ye bhī un ḳhatā ho jaise

    talḳhi-e-jām meñ pinhāñ 'sāhir'

    dard dil bhī davā ho jaise

    zindagi hum se KHafa ho jaise

    ab dawa ho na dua ho jaise

    teri furqat mein hua yun mahsus

    zindagi ek saza ho jaise

    is tarah karta hun puja teri

    tu mohabbat ka KHuda ho jaise

    aisa arman-e-mulaqat bhi kiya

    dil mein tufan bapa ho jaise

    ab to ehsas-e-tamanna bhi nahin

    qafila dil ka luTa ho jaise

    mere honTon pe tera zikr-e-jamil

    har nafas mauj-e-saba ho jaise

    teri aankhon se barasti masti

    ek mai-KHana khula ho jaise

    gham se milti hai masarrat dil ko

    gham bhi teri hi ada ho jaise

    jhanjhana uTTha hai dil ka har tar

    aap ka nam suna ho jaise

    wo pasheman hain tabahi pe meri

    ye bhi un ki hi KHata ho jaise

    talKHi-e-jam mein pinhan 'sahir'

    dard dil ki bhi dawa ho jaise

    Source :
    • Book : Sehr e Naghma (Pg. 71)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY