zindagi hansti hai subh-o-sham tere shahr mein

zindagī hañstī hai sub.h-o-shām tere shahr meñ

aam hai daur-e-mai-e-gulfām tere shahr meñ

kis qadar mash.hūr haiñ vo log jo haiñ bul-havas

aur ik ham haiñ ki haiñ badnām tere shahr meñ

koī saudā.ī koī kahtā hai dīvāna mujhe

roz miltā hai nayā ik naam tere shahr meñ

ham junūn-e-ishq ke bā-vasf bhī hoshyār haiñ

sub.h tere shahr meñ haiñ shaam tere shahr meñ

zindagī mujh ko mile yā maut kā ho sāmnā

jo bhī honā hai vo ho anjām tere shahr meñ

kār-farmā terī nazreñ hukmarāñ terā jamāl

kāñptī hai gardish-e-ayyām tere shahr meñ

har taraf aish-o-masarrat har taraf mauj-e-'shamīm'

lutf-sāmāñ zindagī hai aam tere shahr meñ

zindagi hansti hai subh-o-sham tere shahr mein

aam hai daur-e-mai-e-gulfam tere shahr mein

kis qadar mashhur hain wo log jo hain bul-hawas

aur ek hum hain ki hain badnam tere shahr mein

koi saudai koi kahta hai diwana mujhe

roz milta hai naya ek nam tere shahr mein

hum junun-e-ishq ke ba-wasf bhi hoshyar hain

subh tere shahr mein hain sham tere shahr mein

zindagi mujh ko mile ya maut ka ho samna

jo bhi hona hai wo ho anjam tere shahr mein

kar-farma teri nazren hukmaran tera jamal

kanpti hai gardish-e-ayyam tere shahr mein

har taraf aish-o-masarrat har taraf mauj-e-'shamim'

lutf-saman zindagi hai aam tere shahr mein