zindagi jis ka nam hai yaro

zindagī jis kā naam hai yaaro

qissa-e-nā-tamām hai yaaro

aadmī ko davām ho ki na ho

ādamiyat davām hai yaaro

khilte jaate haiñ phuul rāhoñ meñ

kaun mahv-e-ḳhirām hai yaaro

zindagī kā koī maqām nahīñ

zindagī ḳhud maqām hai yaaro

ek vaqtī surūr-e-bulhavasī

ishq kaif-e-davām hai yaaro

kār-e-yazdāñ jise samajhte ho

vo tumhārā hī kaam hai yaaro

magar duniyā ba-maslahat bhī ġhalat

diin isī kā to naam hai yaaro

zindagī merā saath de ki na de

maut mujh par harām hai yaaro

azm mazbūt hausle mohkam

vaqt kis shai kā naam hai yaaro

fikr-e-'anjum' ko shā.irī na kaho

ek ġhaibī payām hai yaaro

zindagi jis ka nam hai yaro

qissa-e-na-tamam hai yaro

aadmi ko dawam ho ki na ho

aadamiyat dawam hai yaro

khilte jate hain phul rahon mein

kaun mahw-e-KHiram hai yaro

zindagi ka koi maqam nahin

zindagi KHud maqam hai yaro

ek waqti surur-e-bulhawasi

ishq kaif-e-dawam hai yaro

kar-e-yazdan jise samajhte ho

wo tumhaara hi kaam hai yaro

magar duniya ba-maslahat bhi ghalat

din isi ka to nam hai yaro

zindagi mera sath de ki na de

maut mujh par haram hai yaro

azm mazbut hausle mohkam

waqt kis shai ka nam hai yaro

fikr-e-'anjum' ko shairi na kaho

ek ghaibi payam hai yaro