zindagi karwaTen badalti hai

zindagī karvaTeñ badaltī hai

aa bhī jaao ki raat Dhaltī hai

sub.h-e-nau kī hasīñ imārat meñ

raat kī tīrgī machaltī hai

zindagī kitne māh-o-sāl ke ba.ad

ab zarā paañv paañv chaltī hai

ham tahī-ḳhvāb haiñ to kyā dil meñ

ḳhvāb kī aarzū to paltī hai

chand lafzoñ kā zalzala hai magar

dil kī buniyād tak dahaltī hai

ham koī terī vo nazar to nahīñ

bātoñ bātoñ meñ jo badaltī hai

aao kuchh der señk leñ āñkheñ

koī duniyā-e-shauq jaltī hai

kis kī aahaT kā shor hai 'nāzim'

naġhmagī sī fazā meñ Dhaltī hai

zindagi karwaTen badalti hai

aa bhi jao ki raat Dhalti hai

subh-e-nau ki hasin imarat mein

raat ki tirgi machalti hai

zindagi kitne mah-o-sal ke baad

ab zara panw panw chalti hai

hum tahi-KHwab hain to kya dil mein

KHwab ki aarzu to palti hai

chand lafzon ka zalzala hai magar

dil ki buniyaad tak dahalti hai

hum koi teri wo nazar to nahin

baaton baaton mein jo badalti hai

aao kuchh der senk len aankhen

koi duniya-e-shauq jalti hai

kis ki aahaT ka shor hai 'nazim'

naghmagi si faza mein Dhalti hai