zindagi ke daman mein rang-o-nur-o-nikhat kya

zindagī ke dāman meñ rañg-o-nūr-o-nik.hat kyā

ḳhvāb hī to dekhā hai ḳhvāb kī haqīqat kyā

dil bhī qufl-e-abjad hai ek naam pūchhe hai

jaan le to khul jaa.e āḳhir is meñ hairat kyā

aap ke ravayya par ḳhush-gumāniyāñ kaisī

koī maslahat hogī varna ye ināyat kyā

chob-e-ḳhushk sahrā huuñ aur aarzū gul kī

sādgī se baḌh kar bhī hai koī himāqat kyā

paas kā añdherā bhī aas kā ujālā bhī

log isī ko kahte haiñ jhuTpuTe kī saa.at kyā

zindagi ke daman mein rang-o-nur-o-nikhat kya

KHwab hi to dekha hai KHwab ki haqiqat kya

dil bhi qufl-e-abjad hai ek nam puchhe hai

jaan le to khul jae aaKHir is mein hairat kya

aap ke rawayya par KHush-gumaniyan kaisi

koi maslahat hogi warna ye inayat kya

chob-e-KHushk sahra hun aur aarzu gul ki

sadgi se baDh kar bhi hai koi himaqat kya

pas ka andhera bhi aas ka ujala bhi

log isi ko kahte hain jhuTpuTe ki saat kya