zindagi ke gham bhulane mein lage hain

zindagī ke ġham bhulāne meñ lage haiñ

maut ko āsāñ banāne meñ lage haiñ

ḳhaar se himmat nahīñ hotī kisī kī

titliyoñ ko sab satāne meñ lage haiñ

aañkh kī bīnā.ī jaatī jā rahī hai

ham yahāñ chashme banāne meñ lage haiñ

peḌ kab tak hai nahīñ ma.alūm lekin

sab parinde ghar basāne meñ lage haiñ

gaañv meñ maañ baap būḌhe ho rahe haiñ

ham yahāñ tanḳhvāh baḌhāne meñ lage haiñ

aapsī rishte bigaḌte jā rahe haiñ

log mobile chalāne meñ lage haiñ

sab purāne peḌ kaTte jā rahe haiñ

log furniture banāne meñ lage haiñ

glacier saarā pighaltā jā rahā hai

ham magar ac chalāne meñ lage haiñ

baat to duniyā banāne kī huī thī

ham na jaane kyā banāne meñ lage haiñ

zindagi ke gham bhulane mein lage hain

maut ko aasan banane mein lage hain

KHar se himmat nahin hoti kisi ki

titliyon ko sab satane mein lage hain

aankh ki binai jati ja rahi hai

hum yahan chashme banane mein lage hain

peD kab tak hai nahin malum lekin

sab parinde ghar basane mein lage hain

ganw mein man bap buDhe ho rahe hain

hum yahan tanKHwah baDhane mein lage hain

aapsi rishte bigaDte ja rahe hain

log mobile chalane mein lage hain

sab purane peD kaTte ja rahe hain

log furniture banane mein lage hain

glacier sara pighalta ja raha hai

hum magar ac chalane mein lage hain

baat to duniya banane ki hui thi

hum na jaane kya banane mein lage hain