zindagi ke udas lamhe the

zindagī ke udaas lamhe the

mere andar sulagte rahte the

siskiyāñ duur tak na jaatī thiiñ

dard ke kuchh luTe se ḳheme the

un pe tanhā.iyāñ barastī thiiñ

jaane vo kis taraf se aa.e the

raah meñ ik charāġh jaltā thā

fāsle yuuñ pighalte rahte the

mere toshe meñ chand rāteñ thiiñ

mere hisse meñ chand saa.e the

ḳhud ko pahchāntā bhī kaise maiñ

saare chehre hī apne jaise the

yak-ba-yak ye ḳhayāl aayā thā

kaun the ham kahāñ se aa.e the

zindagi ke udas lamhe the

mere andar sulagte rahte the

siskiyan dur tak na jati thin

dard ke kuchh luTe se KHeme the

un pe tanhaiyan barasti thin

jaane wo kis taraf se aae the

rah mein ek charagh jalta tha

fasle yun pighalte rahte the

mere toshe mein chand raaten thin

mere hisse mein chand sae the

KHud ko pahchanta bhi kaise main

sare chehre hi apne jaise the

yak-ba-yak ye KHayal aaya tha

kaun the hum kahan se aae the