zindagi ko haram mat karna

zindagī ko harām mat karnā

shauq ko be-lagām mat karnā

shohrateñ bhī burī balā.eñ haiñ

in ko tum apne naam mat karnā

ho na jaa.e gumān sajdoñ kā

itnā jhuk kar salām mat karnā

log tujh ko sahal samajhne lageñ

ḳhud ko itnā bhī aam mat karnā

jin se rusvā.iyāñ ho dāman meñ

bhuul kar bhī vo kaam mat karnā

zar-parastoñ se rāh-o-rasm ho par

zehn-o-dil ko ġhulām mat karnā

jis meñ ho zarf kī kamī 'ḳhurshīd'

us kā tum ehtirām mat karnā

zindagi ko haram mat karna

shauq ko be-lagam mat karna

shohraten bhi buri balaen hain

in ko tum apne nam mat karna

ho na jae guman sajdon ka

itna jhuk kar salam mat karna

log tujh ko sahal samajhne lagen

KHud ko itna bhi aam mat karna

jin se ruswaiyan ho daman mein

bhul kar bhi wo kaam mat karna

zar-paraston se rah-o-rasm ho par

zehn-o-dil ko ghulam mat karna

jis mein ho zarf ki kami 'KHurshid'

us ka tum ehtiram mat karna