zindagi kya har qadam par ek nai diwar hai
zindagī kyā har qadam par ik na.ī dīvār hai
tīrgī dīvār thī ab raushnī dīvār hai
kyuuñ bhaTaktī phir rahe haiñ aaj arbāb-e-ḳhirad
kyā junūñ ke rāste meñ āgahī dīvār hai
bach nahīñ saktī taġhayyur ke asar se koī shai
pahle suntī thī magar ab dekhtī dīvār hai
ham to vābasta haiñ aise daur se jis daur meñ
aadmī ke rāste meñ aadmī dīvār hai
jazba-e-jehd-o-amal se zindagī koh-e-girāñ
be-amal ho zindagī to ret kī dīvār hai
aaj apne dushmanoñ se khul ke laḌ saktā nahīñ
dushmanī ke rāste meñ dostī dīvār hai
ruuh kyuuñ muztar na ho 'jāmī' harīm-e-jism meñ
jis taraf bhī dekhtī hai āhanī dīvār hai
zindagi kya har qadam par ek nai diwar hai
tirgi diwar thi ab raushni diwar hai
kyun bhaTakti phir rahe hain aaj arbab-e-KHirad
kya junun ke raste mein aagahi diwar hai
bach nahin sakti taghayyur ke asar se koi shai
pahle sunti thi magar ab dekhti diwar hai
hum to wabasta hain aise daur se jis daur mein
aadmi ke raste mein aadmi diwar hai
jazba-e-jehd-o-amal se zindagi koh-e-giran
be-amal ho zindagi to ret ki diwar hai
aaj apne dushmanon se khul ke laD sakta nahin
dushmani ke raste mein dosti diwar hai
ruh kyun muztar na ho 'jami' harim-e-jism mein
jis taraf bhi dekhti hai aahani diwar hai
Source:
Rooh-e-Ghazal,Pachas Sala Intekhab (Pg. 770)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
