zindagi mein kami na ho jae

zindagī meñ kamī na ho jaa.e

tum miloge yaqīñ na kho jaa.e

bhuul jā.ūñ tujhe duā hai aur

iltijā hai vahī na ho jaa.e

tum milo par aziiz hai ġham bhī

Dar hai mujh ko ḳhushī na ho jaa.e

āshiqī bandagī huī hai yuuñ

tū ḳhudā maiñ valī na ho jaa.e

raat bhar to diyā rahā raushan

sub.h jab ho tabhī na so jaa.e

zabt-e-ġham se mire hī Dartā huuñ

dekh kar vo kahīñ na ro jaa.e

ek ho jaa.eñ is qadar 'betāb'

maiñ na ho.uuñ kahīñ na vo jaa.e

zindagi mein kami na ho jae

tum miloge yaqin na kho jae

bhul jaun tujhe dua hai aur

iltija hai wahi na ho jae

tum milo par aziz hai gham bhi

Dar hai mujh ko KHushi na ho jae

aashiqi bandagi hui hai yun

tu KHuda main wali na ho jae

raat bhar to diya raha raushan

subh jab ho tabhi na so jae

zabt-e-gham se mere hi Darta hun

dekh kar wo kahin na ro jae

ek ho jaen is qadar 'betab'

main na houn kahin na wo jae