zindagi regzar ki surat

zindagī regzār kī sūrat

guzrī guzrī bahār kī sūrat

vo na aa.e nazar to hai duniyā

ek ujḌe dayār kī sūrat

sar-kashī chhoḌ kar kahīñ ai dost

aa mire ġham-gusār kī sūrat

yaar kā hai ḳhayāl bhī mujh ko

ḳhvāb kī aur ḳhumār kī sūrat

mausam-e-hijr meñ tirī yādeñ

dasht meñ ābshār kī sūrat

jā-ba-jā āsmān par 'jāzib'

dard kūñjoñ kī Daar kī sūrat

zindagi regzar ki surat

guzri guzri bahaar ki surat

wo na aae nazar to hai duniya

ek ujDe dayar ki surat

sar-kashi chhoD kar kahin ai dost

aa mere gham-gusar ki surat

yar ka hai KHayal bhi mujh ko

KHwab ki aur KHumar ki surat

mausam-e-hijr mein teri yaaden

dasht mein aabshaar ki surat

ja-ba-ja aasman par 'jazib'

dard kunjon ki Dar ki surat