Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zindagi tere ajab Thor-Thikane nikle

Akmal Imaam

zindagi tere ajab Thor-Thikane nikle

Akmal Imaam

MORE BYAkmal Imaam

    zindagī tere ajab Thor-Thikāne nikle

    pattharoñ meñ tirī taqdīr ke daane nikle

    dard Tiis aur jalan se haiñ abhī nā-vāqif

    zaḳhm jo bachche hathelī pe ugāne nikle

    maiñ to har shai ḳharīdār huuñ lekin vo aaj

    itnī jur.at ki mire daam lagāne nikle

    na.ī tahqīq ne qatroñ se nikāle dariyā

    ham ne dekhā hai ki zarroñ se zamāne nikle

    talḳh jumloñ ke kahāñ tiir ḳhatā ho paa.e

    dekhne meñ to ġhalat us ke nishāne nikle

    zehn meñ ajnabī samtoñ ke haiñ paikar lekin

    dil ke ā.īne meñ sab aks purāne nikle

    de na paayā vo koī va.ada-ḳhilāfī javāz

    muzmahil us ke na aane ke bahāne nikle

    maiñ to ḳhushiyoñ ke ugātā rahā paude 'akmal'

    aur har shāḳh pe zaḳhmoñ ke ḳhazāne nikle

    zindagi tere ajab Thor-Thikane nikle

    pattharon mein teri taqdir ke dane nikle

    dard Tis aur jalan se hain abhi na-waqif

    zaKHm jo bachche hatheli pe ugane nikle

    main to har shai ka KHaridar hun lekin wo aaj

    itni jurat ki mere dam lagane nikle

    nai tahqiq ne qatron se nikale dariya

    hum ne dekha hai ki zarron se zamane nikle

    talKH jumlon ke kahan tir KHata ho pae

    dekhne mein to ghalat us ke nishane nikle

    zehn mein ajnabi samton ke hain paikar lekin

    dil ke aaine mein sab aks purane nikle

    de na paya wo koi wada-KHilafi ka jawaz

    muzmahil us ke na aane ke bahane nikle

    main to KHushiyon ke ugata raha paude 'akmal'

    aur har shaKH pe zaKHmon ke KHazane nikle

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now