ziyan hai jaan ka ye karobar mat karna

ziyāñ hai jaan kā ye kārobār mat karnā

sabā se saa.e se ḳhushbū se pyaar mat karnā

hameñ vahāñ ke bagūle bane jo kahte the

tavāf-e-kūcha-e-shahr-e-nigār mat karnā

maiñ Dhaltī dhuup kī lau huuñ mirā bharosa kyā

nigāh-e-shām mirā intizār mat karnā

na ḳhud tumhīñ pe kuchh ilzām-e-vaqt aa jaa.e

hamārā shikva-e-sabr-o-qarār mat karnā

ye sach hai ishq hī sābit-qadam nahīñ merā

maiñ kah rahā huuñ mirā e'tibār mat karnā

abhī hai kū-ba-kū phirnā tujhe 'musavvir' abhī

umīd-e-sāya-e-dīvār-e-yār mat karnā

ziyan hai jaan ka ye karobar mat karna

saba se sae se KHushbu se pyar mat karna

hamein wahan ke bagule bane jo kahte the

tawaf-e-kucha-e-shahr-e-nigar mat karna

main Dhalti dhup ki lau hun mera bharosa kya

nigah-e-sham mera intizar mat karna

na KHud tumhin pe kuchh ilzam-e-waqt aa jae

hamara shikwa-e-sabr-o-qarar mat karna

ye sach hai ishq hi sabit-qadam nahin mera

main kah raha hun mera e'tibar mat karna

abhi hai ku-ba-ku phirna tujhe 'musawwir' abhi

umid-e-saya-e-diwar-e-yar mat karna