zoam sahraon ka miTTi mein mila sakta hun main

zo.am sahrāoñ kā miTTī meñ milā saktā huuñ maiñ

haañ isī sūkhe gale se giit gā saktā huuñ maiñ

māntā huuñ maiñ nahīñ koī samundar sā vasī.a

par kisī pyāse ko paanī to pilā saktā huuñ maiñ

baiTh kar sāhil pe itnī to tasallī ho ga.ī

chand lamhoñ ko sahī ek ghar banā saktā huuñ maiñ

ek din to ḳhud-talāshī had se bāhar ho ga.ī

yuuñ lagā ā.īna ke bhī paar jā saktā huuñ maiñ

tum sarāpā dil ho jo siine se bāhar rah gayā

kyā kisī din tum ko siine se lagā saktā huuñ maiñ

zoam sahraon ka miTTi mein mila sakta hun main

han isi sukhe gale se git ga sakta hun main

manta hun main nahin koi samundar sa wasia

par kisi pyase ko pani to pila sakta hun main

baiTh kar sahil pe itni to tasalli ho gai

chand lamhon ko sahi ek ghar bana sakta hun main

ek din to KHud-talashi had se bahar ho gai

yun laga aaina ke bhi par ja sakta hun main

tum sarapa dil ho jo sine se bahar rah gaya

kya kisi din tum ko sine se laga sakta hun main