zor us par hai na haalat pe qabu yaro

zor us par hai na hālāt pe qaabū yaaro

jaane ab kyā ho mulāqāt kā pahlū yaaro

kitne zaḳhmoñ ke tabassum kā pata dete haiñ

merī palkoñ pe sulagte hue jugnū yaaro

zaḳhm is taur se mahke haiñ sar-e-shām-e-firāq

duur tak phail ga.ī dard kī ḳhushbū yaaro

kitne ḳhvāboñ ko nichoḌā hai to un āñkhoñ se

aaj Tapkā hai ye jaltā huā aañsū yaaro

donoñ aalam mirī bāñhoñ meñ simaT aa.e the

raat shānoñ pe pareshāñ the vo gesū yaaro

log kahte the na pighlegā vo patthar 'shāhid'

tum ne dekhā mire ash.ār kā jaadū yaaro

zor us par hai na haalat pe qabu yaro

jaane ab kya ho mulaqat ka pahlu yaro

kitne zaKHmon ke tabassum ka pata dete hain

meri palkon pe sulagte hue jugnu yaro

zaKHm is taur se mahke hain sar-e-sham-e-firaq

dur tak phail gai dard ki KHushbu yaro

kitne KHwabon ko nichoDa hai to un aankhon se

aaj Tapka hai ye jalta hua aansu yaro

donon aalam meri banhon mein simaT aae the

raat shanon pe pareshan the wo gesu yaro

log kahte the na pighlega wo patthar 'shahid'

tum ne dekha mere ashaar ka jadu yaro