zulf-e-barham sambhaal kar chaliye

zulf-e-barham sambhāl kar chaliye

rāsta dekh-bhāl kar chaliye

mausam-e-gul hai apnī bāñhoñ ko

merī bāñhoñ meñ Daal kar chaliye

mai-kade meñ na baiThiye tāham

kuchh tabī.at bahāl kar chaliye

kuchh na deñge to kyā ziyāñ hogā

harj kyā hai savāl kar chaliye

hai agar qatl-e-ām kī niyyat

jism kī chhab nikāl kar chaliye

kisī nāzuk-badan se Takrā kar

koī kasb-e-kamāl kar chaliye

yā dupaTTa na lījiye sar par

yā dupaTTa sambhāl kar chaliye

yaar dozaḳh meñ haiñ muqīm 'adam'

ḳhuld se intiqāl kar chaliye

zulf-e-barham sambhaal kar chaliye

rasta dekh-bhaal kar chaliye

mausam-e-gul hai apni banhon ko

meri banhon mein Dal kar chaliye

mai-kade mein na baiThiye taham

kuchh tabiat bahaal kar chaliye

kuchh na denge to kya ziyan hoga

harj kya hai sawal kar chaliye

hai agar qatl-e-am ki niyyat

jism ki chhab nikal kar chaliye

kisi nazuk-badan se Takra kar

koi kasb-e-kamal kar chaliye

ya dupaTTa na lijiye sar par

ya dupaTTa sambhaal kar chaliye

yar dozaKH mein hain muqim 'adam'

KHuld se intiqal kar chaliye