zulf o ruKH ke sae mein zindagi guzari hai

Manzar Bhopali

zulf o ruKH ke sae mein zindagi guzari hai

Manzar Bhopali

MORE BYManzar Bhopali

    zulf o ruḳh ke saa.e meñ zindagī guzārī hai

    dhuup bhī hamārī hai chhāñv bhī hamārī hai

    ġham-gusār chehroñ par e'tibār mat karnā

    shahr meñ siyāsat ke dost bhī shikārī hai

    moḌ lene vaalī hai, zindagī koī shāyad

    ab ke phir havāoñ meñ ek be-qarārī hai

    haal ḳhuuñ meñ Duubā hai kal na jaane kyā hogā

    ab ye ḳhauf-e-mustaqbil zehn zehn taarī hai

    mere buzurgoñ ne sar-bulandiyāñ baḳhshīñ

    mere qible par mashq-e-sañg-bārī hai

    ik ajiib ThanDak hai is ke narm lahje meñ

    lafz lafz shabnam hai baat baat pyārī hai

    kuchh to pā.eñge us qurbatoñ ḳhamyāza

    dil to ho chuke TukḌe ab saroñ baarī hai

    baap bojh Dhotā thā kyā jahez de paatā

    is liye vo shahzādī aaj tak kuñvārī hai

    kah do 'mīr' o 'ġhālib' se ham bhī sher kahte haiñ

    vo sadī tumhārī thī ye sadī hamārī hai

    karbalā nahīñ lekin jhuuT aur sadāqat meñ

    kal bhī jañg jaarī thī ab bhī jañg jaarī hai

    gaañv meñ mohabbat rasm hai abhī 'manzar'

    shahr meñ hamāre to jo bhī hai madārī hai

    zulf o ruKH ke sae mein zindagi guzari hai

    dhup bhi hamari hai chhanw bhi hamari hai

    gham-gusar chehron par e'tibar mat karna

    shahr mein siyasat ke dost bhi shikari hai

    moD lene wali hai, zindagi koi shayad

    ab ke phir hawaon mein ek be-qarari hai

    haal KHun mein Duba hai kal na jaane kya hoga

    ab ye KHauf-e-mustaqbil zehn zehn tari hai

    mere hi buzurgon ne sar-bulandiyan baKHshin

    mere hi qible par mashq-e-sang-bari hai

    ek ajib ThanDak hai is ke narm lahje mein

    lafz lafz shabnam hai baat baat pyari hai

    kuchh to paenge us ki qurbaton ka KHamyaza

    dil to ho chuke TukDe ab saron ki bari hai

    bap bojh Dhota tha kya jahez de pata

    is liye wo shahzadi aaj tak kunwari hai

    kah do 'mir' o 'ghaalib' se hum bhi sher kahte hain

    wo sadi tumhaari thi ye sadi hamari hai

    karbala nahin lekin jhuT aur sadaqat mein

    kal bhi jang jari thi ab bhi jang jari hai

    ganw mein mohabbat ki rasm hai abhi 'manzar'

    shahr mein hamare to jo bhi hai madari hai

    Source :
    • Book : Zindagi (Pg. 23)
    • Author : Manzar Bhopali
    • Publication : Nasir Publicans, Urdu Bazar Krachi (P.K.) (1993)
    • Edition : 1993
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY