zulm mujh par shadid kar baiThe

zulm mujh par shadīd kar baiThe

phir vo kār-e-yazīd kar baiThe

be-vafā.ī bhī vo nibhā na sake

ham vafā kī umiid kar baiThe

jin pe martā thā tū vo sad-afsos

mire marne pe iid kar baiThe

kis qadar ḳhush-nasīb hogā vo jo

tirī ḳhvāboñ meñ diid kar baiThe

ham the ḳhushiyoñ ko bechne nikle

dard-o-ġham kī ḳharīd kar baiThe

kaash nafrat ke leaderoñ ko koī

do tamāñche rasīd kar baiThe

aisī daulat kā fā.eda kyā hai

jo ḳhudā se ba.iid kar baiThe

kaun jaane ki ishq meñ kitne

apnī miTTī palīd kar baiThe

miT ga.ī qadr mar ga.e ādāb

ham yuuñ ḳhud ko jadīd kar baiThe

kaash ye merī shā.irī 'ārif'

us ko merā murīd kar baiThe

zulm mujh par shadid kar baiThe

phir wo kar-e-yazid kar baiThe

be-wafai bhi wo nibha na sake

hum wafa ki umid kar baiThe

jin pe marta tha tu wo sad-afsos

mere marne pe id kar baiThe

kis qadar KHush-nasib hoga wo jo

teri KHwabon mein did kar baiThe

hum the KHushiyon ko bechne nikle

dard-o-gham ki KHarid kar baiThe

kash nafrat ke leaderon ko koi

do tamanche rasid kar baiThe

aisi daulat ka faeda kya hai

jo KHuda se baid kar baiThe

kaun jaane ki ishq mein kitne

apni miTTi palid kar baiThe

miT gai qadr mar gae aadab

hum yun KHud ko jadid kar baiThe

kash ye meri shairi 'arif'

us ko mera murid kar baiThe