dard jab tak sawalat karte rahe

dard jab tak savālāt karte rahe

ham daraḳhtoñ ke sañg baat karte rahe

zindagī se milīñ gāliyāñ aur ham

roz us se mulāqāt karte rahe

log sote rahe chādareñ taan kar

jang ham se ḳhayālāt karte rahe

ham na bole kabhī vo na samjhe kabhī

be-vajah ḳhūn-e-jazbāt karte rahe

raushnī vo tavā.if ki jis ke liye

ḳhush-numā umr ko raat karte rahe

be-vajah ro diye be-vajah hañs diye

raat din ye ḳhurāfāt karte rahe

ham jhuke to nahīñ ye tamannā magar

ik zamāne se hālāt karte rahe

dard jab tak sawalat karte rahe

hum daraKHton ke sang baat karte rahe

zindagi se milin galiyan aur hum

roz us se mulaqat karte rahe

log sote rahe chadaren tan kar

jang hum se KHayalat karte rahe

hum na bole kabhi wo na samjhe kabhi

be-wajah KHun-e-jazbaat karte rahe

raushni wo tawaif ki jis ke liye

KHush-numa umr ko raat karte rahe

be-wajah ro diye be-wajah hans diye

raat din ye KHurafat karte rahe

hum jhuke to nahin ye tamanna magar

ek zamane se haalat karte rahe