kaise manzar samne aane lage hain

Dushyant Kumar

kaise manzar samne aane lage hain

Dushyant Kumar

MORE BYDushyant Kumar

    kaise manzar sāmne aane lage haiñ

    gaate gaate log chillāne lage haiñ

    ab to is tālāb paanī badal do

    ye kañval ke phuul kumhlāne lage haiñ

    vo salīboñ ke qarīb aa.e to ham ko

    qā.ede qānūn samjhāne lage haiñ

    ek qabristān meñ ghar mil rahā hai

    jis meñ tah-ḳhānoñ se tah-ḳhāne lage haiñ

    machhliyoñ meñ khalbalī hai ab safīne

    is taraf jaane se katrāne lage haiñ

    maulvī se DaañT khā kar ahl-e-maktab

    phir usī āyāt ko dohrāne lage haiñ

    ab na.ī tahzīb ke pesh-e-nazar ham

    aadmī ko bhuun kar khāne lage haiñ

    kaise manzar samne aane lage hain

    gate gate log chillane lage hain

    ab to is talab ka pani badal do

    ye kanwal ke phul kumhlane lage hain

    wo salibon ke qarib aae to hum ko

    qaede qanun samjhane lage hain

    ek qabristan mein ghar mil raha hai

    jis mein tah-KHanon se tah-KHane lage hain

    machhliyon mein khalbali hai ab safine

    is taraf jaane se katrane lage hain

    maulwi se DanT kha kar ahl-e-maktab

    phir usi aayat ko dohrane lage hain

    ab nai tahzib ke pesh-e-nazar hum

    aadmi ko bhun kar khane lage hain

    Source :
    • Book : saaye mein dhoop (Pg. 14)
    • Author : Dushyant Kumar
    • Publication : Radha krishna private limited (1975,1995)
    • Edition : 1975,1995
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY