mat kaho aakash mein kohra ghana hai

mat kaho ākāsh meñ kohrā ghanā hai

ye kisī kī vyakti-gat ālochnā hai

sūrya ham ne bhī nahīñ dekhā subah se

kyā karoge sūrya kā kyā dekhnā hai

is saḌak par is qadar kīchaḌ bichhī hai

har kisī kā paañv ghuTnoñ tak sana hai

paksh-o-pratī-paksh sansad meñ mukhar haiñ

baat itnī hai ki koī pul banā hai

rakt varshoñ se nasoñ meñ khaultā hai

aap kahte haiñ kshanik uttejanā hai

ho ga.ī har ghaaT par puurī vyavasthā

shauq se Duube jise bhī Dūbnā hai

dosto ab manch par suvidhā nahīñ hai

āj-kal nepathya meñ sambhāvanā hai

mat kaho aakash mein kohra ghana hai

ye kisi ki wyakti-gat aalochna hai

surya hum ne bhi nahin dekha subah se

kya karoge surya ka kya dekhna hai

is saDak par is qadar kichaD bichhi hai

har kisi ka panw ghuTnon tak sana hai

paksh-o-prati-paksh sansad mein mukhar hain

baat itni hai ki koi pul bana hai

rakt warshon se nason mein khaulta hai

aap kahte hain kshanik uttejana hai

ho gai har ghaT par puri wyawastha

shauq se Dube jise bhi Dubna hai

dosto ab manch par suwidha nahin hai

aaj-kal nepathya mein sambhawana hai