mausam ka man par koi adhikar nahin

mausam kā man par koī adhikār nahīñ

bādal haiñ par bārish ke āsār nahīñ

bastī meñ kuchh log na maare jaate hoñ

yaad hameñ aisā koī tyauhār nahīñ

pyār-mohabbat sīdhe-sāde raste nahīñ

koī in par chalne ko tayyār nahīñ

sab man kī kamzorī hotī hai varna

gir na sake aisī koī dīvār nahīñ

logoñ se ummīd nahīñ sach boleñge

sach sunñe ko jab koī tayyār nahīñ

haar usūloñ kī ḳhātir to hai manzūr

jiinā hameñ par shartoñ par svīkār nahīñ

jaane kyuuñ ab shā.er ke hoñToñ par bhī

dil ko chhū lene vaale ash.ār nahīñ

mausam ka man par koi adhikar nahin

baadal hain par barish ke aasar nahin

basti mein kuchh log na mare jate hon

yaad hamein aisa koi tyauhaar nahin

pyar-mohabbat sidhe-sade raste nahin

koi in par chalne ko tayyar nahin

sab man ki kamzori hoti hai warna

gir na sake aisi koi diwar nahin

logon se ummid nahin sach bolenge

sach sunne ko jab koi tayyar nahin

haar usulon ki KHatir to hai manzur

jina hamein par sharton par swikar nahin

jaane kyun ab shaer ke honTon par bhi

dil ko chhu lene wale ashaar nahin