nazar-nawaz nazara badal na jae kahin

Dushyant Kumar

nazar-nawaz nazara badal na jae kahin

Dushyant Kumar

MORE BYDushyant Kumar

    nazar-navāz nazāra badal na jaa.e kahīñ

    zarā baat hai muñh se nikal na jaa.e kahīñ

    vo dekhte haiñ to lagtā hai niiv hiltī hai

    mire bayān ko bandish nigal na jaa.e kahīñ

    yuuñ mujh ko ḳhud pe bahut e'tibār hai lekin

    ye barf aañch ke aage pighal na jaa.e kahīñ

    chale havā to kivāḌoñ ko band kar lenā

    ye garm raakh sharāroñ meñ Dhal na jaa.e kahīñ

    tamām raat tire mai-kade meñ mai hai

    tamām umr nashe meñ nikal na jaa.e kahīñ

    kabhī machān pe chaḌhne aarzū ubhrī

    kabhī ye Dar ki ye sīḌhī phisal na jaa.e kahīñ

    ye log homo-havan meñ yaqīn rakhte haiñ

    chalo yahāñ se chaleñ haath jal na jaa.e kahīñ

    nazar-nawaz nazara badal na jae kahin

    zara si baat hai munh se nikal na jae kahin

    wo dekhte hain to lagta hai niw hilti hai

    mere bayan ko bandish nigal na jae kahin

    yun mujh ko KHud pe bahut e'tibar hai lekin

    ye barf aanch ke aage pighal na jae kahin

    chale hawa to kiwaDon ko band kar lena

    ye garm rakh shararon mein Dhal na jae kahin

    tamam raat tere mai-kade mein mai pi hai

    tamam umr nashe mein nikal na jae kahin

    kabhi machan pe chaDhne ki aarzu ubhri

    kabhi ye Dar ki ye siDhi phisal na jae kahin

    ye log homo-hawan mein yaqin rakhte hain

    chalo yahan se chalen hath jal na jae kahin

    Source :
    • Book : saaye mein dhoop (Pg. 25)
    • Author : Dushyant Kumar
    • Publication : Radha krishna private limited (1975,1995)
    • Edition : 1975,1995
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY