ye raushni hai haqiqat mein ek chhal logo

Dushyant Kumar

ye raushni hai haqiqat mein ek chhal logo

Dushyant Kumar

MORE BYDushyant Kumar

    ye raushnī hai haqīqat meñ ek chhal logo

    ki jaise jal meñ jhalaktā huā mahal logo

    daraḳht haiñ to parinde nazar nahīñ aate

    vo mustahiq haiñ vahī haq se be-daḳhal logo

    vo ghar meñ mez pe kuhnī Tikā.e baiThe haiñ

    thamī huī hai vahīñ umr āj-kal logo

    kisī bhī qaum tārīḳh ke ujāle meñ

    tumhāre din haiñ kisī raat naqal logo

    tamām raat rahā mahv-e-ḳhvāb dīvāna

    kisī niiñd meñ gaḌtā rahā ḳhalal logo

    zarūr vo bhī isī rāste se guzre haiñ

    har aadmī mujhe lagtā hai ham-shakal logo

    dikhe jo paaoñ ke taaza nishān sahrā meñ

    to yaad aa.e haiñ tālāb ke kañval logo

    ve kah rahe haiñ ġhazal-go nahīñ rahe shā.er

    maiñ sun rahā huuñ har ik samt se ġhazal logo

    ye raushni hai haqiqat mein ek chhal logo

    ki jaise jal mein jhalakta hua mahal logo

    daraKHt hain to parinde nazar nahin aate

    wo mustahiq hain wahi haq se be-daKHal logo

    wo ghar mein mez pe kuhni Tikae baiThe hain

    thami hui hai wahin umr aaj-kal logo

    kisi bhi qaum ki tariKH ke ujale mein

    tumhaare din hain kisi raat ki naqal logo

    tamam raat raha mahw-e-KHwab diwana

    kisi ki nind mein gaDta raha KHalal logo

    zarur wo bhi isi raste se guzre hain

    har aadmi mujhe lagta hai ham-shakal logo

    dikhe jo paon ke taza nishan sahra mein

    to yaad aae hain talab ke kanwal logo

    we kah rahe hain ghazal-go nahin rahe shaer

    main sun raha hun har ek samt se ghazal logo

    Source :
    • Book : Saye mein dhoop (Pg. 29)
    • Author : Dushyant Kumar
    • Publication : Radha krishna Prakashan.Pvt.Ltd (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY