board of interwiew

kuttā kyuuñ apnī dum dabātā hai

kitne meñ ek bandar aatā hai

āsmāñ par sitāre kitne haiñ

shahr meñ ġham ke maare kitne haiñ

thobaḌīpur meñ kitne maalī haiñ

shahr meñ kai makān ḳhālī haiñ

aaj kyā bhaao hai batāshe kā

keats kā vazn kitne māshe thā

Longfellow kī kitnī Tāñgeñ thiiñ

sub.h murġhe ne kitnī bāñgeñ diiñ

urdu novel meñ kyā jhukāv hai

kyuuñ na.ī shā.irī meñ taao hai

shā.irī ke haiñ kitne imkānāt

us pe quliyoñ ke kyā haiñ ehsānāt

'zauq' kitne ruupe kamātā thā

apnī biivī se kyuuñ chhupātā thā

mirzā-'ġhālib' ke kitne bachche the

kitne jhūTe the kitne sachche the

aa ke mahmūd satrah hamloñ meñ

kaun shai le gayā thā gamloñ meñ

kuchh kaho ālūoñ ke baare meñ

kuchh kaho bhāluoñ ke baare meñ

kyuuñ hameñ dekh kar ho tum gum-sum

ulluoñ se kabhī mile ho tum

kutta kyun apni dum dabaata hai

kitne mein ek bandar aata hai

aasman par sitare kitne hain

shahr mein gham ke mare kitne hain

thobaDipur mein kitne mali hain

shahr mein kai makan KHali hain

aaj kya bhao hai batashe ka

keats ka wazn kitne mashe tha

Longfellow ki kitni Tangen thin

subh murghe ne kitni bangen din

urdu nowel mein kya jhukaw hai

kyun nai shairi mein tao hai

shairi ke hain kitne imkanat

us pe quliyon ke kya hain ehsanat

'zauq' kitne rupe kamata tha

apni biwi se kyun chhupata tha

mirza-'ghaalib' ke kitne bachche the

kitne jhuTe the kitne sachche the

aa ke mahmud satrah hamlon mein

kaun shai le gaya tha gamlon mein

kuchh kaho aaluon ke bare mein

kuchh kaho bhaaluon ke bare mein

kyun hamein dekh kar ho tum gum-sum

ulluon se kabhi mile ho tum