buton se ishq gar be-mal-o-zar hoga to kya hoga

Shauq Bahraichi

buton se ishq gar be-mal-o-zar hoga to kya hoga

Shauq Bahraichi

MORE BYShauq Bahraichi

    butoñ se ishq gar be-māl-o-zar hogā to kyā hogā

    phaTīchar mohabbat asar hogā to kyā hogā

    agar darpesh tūfānī safar hogā to kyā hogā

    aur aage aage buddhū rāhbar hogā to kyā hogā

    karūñ to arz-e-matlab un se lekin Dar ye lagtā hai

    agar hogā to kyā hogā magar hogā to kyā hogā

    abhī to hazrat-e-vā.iz mazammat mai karte haiñ

    agar mai-ḳhāne meñ un guzar hogā to kyā hogā

    tavāf-e-ka.aba par jis roz hoñge shaiḳh āmāda

    usī din un girje meñ dinner hogā to kyā hogā

    abas ai dost hañste ho kisī chashm-e-ahval par

    tumhārā bhī koī kaanā pisar hogā to kyā hogā

    na hañs itnā mirī fahrist-e-isyāñ dekh kar zāhid

    tirī fard-e-amal meñ bhī sifar hogā to kyā hogā

    ye har pahlū pe dard-e-dil rahegā dard-e-dil hamdam

    udhar hogā to kyā hogā idhar hogā to kyā hogā

    amal-dār-e-musāvāt aah ne ye nahīñ sochā

    upper hogā to kyā hogā lower hogā to kyā hogā

    hamāre rahbarān-e-qaum-o-millat 'shauq' kyā kam haiñ

    vatan meñ gar na koī barber hogā to kyā hogā

    buton se ishq gar be-mal-o-zar hoga to kya hoga

    phaTichar ki mohabbat ka asar hoga to kya hoga

    agar darpesh tufani safar hoga to kya hoga

    aur aage aage buddhu rahbar hoga to kya hoga

    karun to arz-e-matlab un se lekin Dar ye lagta hai

    agar hoga to kya hoga magar hoga to kya hoga

    abhi to hazrat-e-waiz mazammat mai ki karte hain

    agar mai-KHane mein un ka guzar hoga to kya hoga

    tawaf-e-kaba par jis roz honge shaiKH aamada

    usi din un ka girje mein dinner hoga to kya hoga

    abas ai dost hanste ho kisi ki chashm-e-ahwal par

    tumhaara bhi koi kana pisar hoga to kya hoga

    na hans itna meri fahrist-e-isyan dekh kar zahid

    teri fard-e-amal mein bhi sifar hoga to kya hoga

    ye har pahlu pe dard-e-dil rahega dard-e-dil hamdam

    udhar hoga to kya hoga idhar hoga to kya hoga

    amal-dar-e-musawat aah tu ne ye nahin socha

    upper hoga to kya hoga lower hoga to kya hoga

    hamare rahbaran-e-qaum-o-millat 'shauq' kya kam hain

    watan mein gar na koi barber hoga to kya hoga

    Source :
    • Book : intekhab-e-kalam shauq bahraichi (Pg. 87)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY