dawaton mein shairi

Dilawar Figar

dawaton mein shairi

Dilawar Figar

MORE BY Dilawar Figar

    da.avatoñ meñ shā.irī ab ho ga.ī hai rasm-e-ām

    yuuñ bhī shā.ir se liyā jaatā hai akasr intiqām

    pahle khānā us ko khilvāte haiñ bhūke tarah

    phir use karte haiñ isti.māl mīThe tarah

    suniye ik sāhab qissa jo baḌe fankār haiñ

    haañ magar thoḌe se dāvat-ḳhor o duniyā-dār haiñ

    ek dāvat meñ unheñ gaanā bhī thā khāne ke ba.ad

    ''vo tire aane se pahle ye tire jaane ke ba.ad''

    shā.er-e-mausūf the is field meñ bilkul na.e

    is liye vo kuchh zarūrat se ziyāda khā ga.e

    qorma stū pasanda, kofta, shāmī kabāb

    jaane kyā kyā khā gayā ye shā.er-e-me.ada-ḳharāb

    kuchh na pūchho is amal se un ko kyā hāsil huā

    un ke maazī se judā ḳhud un mustaqbil huā

    sher paḌhne ke liye mausūf jab masnad par aa.e

    zor to puurā lagā Daalā magar kuchh paḌh na paa.e

    chāhte ye the maiñ kuchh hāl-e-dil-e-rūdād-e-ġham

    muñh se sirf itnā niklā mammā-mammā-mammā-mam

    dekh kar un ye hālat ik adīb-e-zinda-dil

    un se ye kahne lagā ai bevaqūf-e-mustaqil

    aa ke bazm-e-sher meñ shart-e-vafā puurī to kar

    jitnā khānā khā gayā hai utnī mazdūrī to kar

    ba.ad-e-sher-o-shā.erī khāne rakhiye intizām

    ye ġhalat dastūr hai pahle ta.aam aur phir kalām

    ye na hogā to adab zer-e-zamīñ gaḌ jā.egā

    ḳhush-gulū shā.ir to khānā khā ke Thas paḌ jā.egā

    dawaton mein shairi ab ho gai hai rasm-e-am

    yun bhi shair se liya jata hai akasr intiqam

    pahle khana us ko khilwate hain bhuke ki tarah

    phir use karte hain istimal miThe ki tarah

    suniye ek sahab ka qissa jo baDe fankar hain

    han magar thoDe se dawat-KHor o duniya-dar hain

    ek dawat mein unhen gana bhi tha khane ke baad

    wo tere aane se pahle ye tere jaane ke baad

    shaer-e-mausuf the is field mein bilkul nae

    is liye wo kuchh zarurat se ziyaada kha gae

    qorma stu pasanda, kofta, shami kabab

    jaane kya kya kha gaya ye shaer-e-meada-KHarab

    kuchh na puchho is amal se un ko kya hasil hua

    un ke mazi se juda KHud un ka mustaqbil hua

    sher paDhne ke liye mausuf jab masnad par aae

    zor to pura laga Dala magar kuchh paDh na pae

    chahte ye the main kuchh haal-e-dil-e-rudad-e-gham

    munh se sirf itna hi nikla mamma-mamma-mamma-mam

    dekh kar un ki ye haalat ek adib-e-zinda-dil

    un se ye kahne laga ai bewaquf-e-mustaqil

    aa ke bazm-e-sher mein shart-e-wafa puri to kar

    jitna khana kha gaya hai utni mazduri to kar

    baad-e-sher-o-shaeri khane ka rakhiye intizam

    ye ghalat dastur hai pahle taam aur phir kalam

    ye na hoga to adab zer-e-zamin gaD jaega

    KHush-gulu shair to khana kha ke Thas paD jaega

    Source:

    • Book: Kulliyat Dilawar Figar (Pg. 125)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites