family-planning

ai mire bachche mire laḳht-e-jigar paidā na ho

yaad rakh pachhtā.egā tū mere ghar paidā na ho

tujh ko paidā.ish kā haq to hai magar paidā na ho

maiñ tirā ehsān mānūñgā agar paidā na ho

ham ne ye maanā ki paidā ho gayā khā.egā kyā

ghar meñ daane hī na pā.egā to bhunvā.egā kyā

is nikhaTTū baap se māñgegā kyā pā.egā kyā

dekh kahnā maan le jān-e-pidar paidā na ho

yuuñ hī tere bhaa.ī bahnoñ kī hai ghar meñ rel-pel

bilbilāte phir rahe haiñ har taraf jo be-nakel

mere ghar ke in charāġhoñ ko mayassar kab hai tel

bujh ke rah jā.egā to bhī bhuul kar paidā na ho

pālte haiñ naaz se kuchh log kutte billiyāñ

duudh vo jitnā piyeñ aur khā.eñ jitnī roTiyāñ

ye farāġhat ai mire bachche mujhe hāsil kahāñ

un ke ghar paidā ho aur ban kar bashar paidā na ho

ai mere bachche mere laKHt-e-jigar paida na ho

yaad rakh pachhtaega tu mere ghar paida na ho

tujh ko paidaish ka haq to hai magar paida na ho

main tera ehsan manunga agar paida na ho

hum ne ye mana ki paida ho gaya khaega kya

ghar mein dane hi na paega to bhunwaega kya

is nikhaTTu bap se mangega kya paega kya

dekh kahna man le jaan-e-pidar paida na ho

yun hi tere bhai bahnon ki hai ghar mein rel-pel

bilbilate phir rahe hain har taraf jo be-nakel

mere ghar ke in charaghon ko mayassar kab hai tel

bujh ke rah jaega to bhi bhul kar paida na ho

palte hain naz se kuchh log kutte billiyan

dudh wo jitna piyen aur khaen jitni roTiyan

ye faraghat ai mere bachche mujhe hasil kahan

un ke ghar paida ho aur ban kar bashar paida na ho