gadhon ka mushaere

ik raat maiñ ne ḳhvāb meñ dekhā ye mājrā

ik jā pe ho rahā hai gadhoñ kā mushā.ere

vo niile piile qumqume maidāñ harā-bharā

baiThā hai farsh-e-sabz pe ik surma.ī gadhā

jitne gad.he haiñ sab ke taḳhallus haiñ vāhiyāt

kone meñ baiThī dum ko hilātī haiñ ḳharriyāt

kuchh moTe taaze ḳhar the ka.ī lāġhar-o-nahīf

kuchh fanne-ḳhāñ gad.he the ka.ī mehrbāñ sharīf

kuchh aise-vaise aur ka.ī shā.erī ke chief

sarqa-pasand aaTh the aur das ġhazal ke thief

Dhen.chū meñ jin kī rañg thā vo saare hiT ga.e

vāqif na the jo saat suroñ se vo piT ga.e

bā-hosh jo gad.he the vo baiThe gadhī ke paas

'saġhar' bhī jā ke baiTh ga.e ras-bharī ke paas

kaddū sā sar liye hue chhappan-chhurī ke paas

ismat thā jis kā naam vo baiThī darī ke paas

barfī sī thūthnī pe likhe band dosto

muñh meñ zabān hai ki shakarqand dosto

sīdhī kanautiyoñ meñ vo bandoñ kī āb-o-tāb

āvāz-e-sho.ala-var meñ mahaktī huī sharāb

palkoñ kī chilmanoñ meñ chhupe raushnī ke ḳhvāb

toḌe paḌā thā jism ko uThtā huā shabāb

qadreñ thiiñ jin ke paas vo sar ko jhukā.e the

jo manchale gad.he the vo thūthan uThā.e the

mike pe aa ke shor machāte hue gad.he

pānoñ kī jā pe ghaas chabāte hue gad.he

tirshūl zehn o dil pe chalāte hue gad.he

dīvār nafratoñ kī uThāte hue gad.he

jo the urūz-dāñ vo rivāyat meñ band the

be-bahra jo gad.he the taraqqī-pasand the

ek raat main ne KHwab mein dekha ye majra

ek ja pe ho raha hai gadhon ka mushaere

wo nile pile qumqume maidan hara-bhara

baiTha hai farsh-e-sabz pe ek surmai gadha

jitne gadhe hain sab ke taKHallus hain wahiyat

kone mein baiThi dum ko hilati hain KHarriyat

kuchh moTe taze KHar the kai laghar-o-nahif

kuchh fanne-KHan gadhe the kai mehrban sharif

kuchh aise-waise aur kai shaeri ke chief

sarqa-pasand aaTh the aur das ghazal ke thief

Dhenchu mein jin ki rang tha wo sare hiT gae

waqif na the jo sat suron se wo piT gae

ba-hosh jo gadhe the wo baiThe gadhi ke pas

'saghar' bhi ja ke baiTh gae ras-bhari ke pas

kaddu sa sar liye hue chhappan-chhuri ke pas

ismat tha jis ka nam wo baiThi dari ke pas

barfi si thuthni pe likhe band dosto

munh mein zaban hai ki shakarqand dosto

sidhi kanautiyon mein wo bandon ki aab-o-tab

aawaz-e-shoala-war mein mahakti hui sharab

palkon ki chilmanon mein chhupe raushni ke KHwab

toDe paDa tha jism ko uThta hua shabab

qadren thin jin ke pas wo sar ko jhukae the

jo manchale gadhe the wo thuthan uThae the

mike pe aa ke shor machate hue gadhe

panon ki ja pe ghas chabaate hue gadhe

tirshul zehn o dil pe chalate hue gadhe

diwar nafraton ki uThate hue gadhe

jo the uruz-dan wo riwayat mein band the

be-bahra jo gadhe the taraqqi-pasand the