ek bewafa ki chah kiye ja raha hun main

ik bevafā kī chaah kiye jā rahā huuñ maiñ

aur yūñhī ḳhvāh-maḳhvāh kiye jā rahā huuñ maiñ

jhaḌtī haiñ un ke muñh se jo manzūm gāliyāñ

sun sun ke vaah vaah kiye jā rahā huuñ maiñ

motor lagī huī hai mire cycle ke saath

phaT phaT phaTā phaTāh kiye jā rahā huuñ maiñ

niklā huuñ bazm-e-yār se meñ is tarah se aaj

goyā kisī se byaah kiye jā rahā huuñ maiñ

punjabiyoñ kī haiñ yahī mehmāñ-navāziyāñ

tere liye kaḌāh kiye jā rahā huuñ maiñ

powder se apne chehre ko karte haiñ vo safed

dāḌhī ko yaañ siyāh kiye jā rahā huuñ maiñ

ek bewafa ki chah kiye ja raha hun main

aur yunhi KHwah-maKHwah kiye ja raha hun main

jhaDti hain un ke munh se jo manzum galiyan

sun sun ke wah wah kiye ja raha hun main

motor lagi hui hai mere cycle ke sath

phaT phaT phaTa phaTah kiye ja raha hun main

nikla hun bazm-e-yar se mein is tarah se aaj

goya kisi se byah kiye ja raha hun main

punjabiyon ki hain yahi mehman-nawaziyan

tere liye kaDah kiye ja raha hun main

powder se apne chehre ko karte hain wo safed

daDhi ko yan siyah kiye ja raha hun main