aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek rail ke safar ki taswir khinchta hun

Syed Zameer Jafri

ek rail ke safar ki taswir khinchta hun

Syed Zameer Jafri

MORE BYSyed Zameer Jafri

    isī meñ millat-e-baizā samā kuud bhar

    tirī qismat meñ likkhā chukā hai tīsrā darja

    na gunjā.ish ko dekh is meñ na mardum-shumārī kar

    lañgoTī kas ḳhudā naam le ghus savārī kar

    vo khiḌkī se kisī ne morcha-bandoñ ko lalkārā

    phir apne sar gaThrā dūsroñ ke sar pe de maarā

    kasī ne dūsrī khiḌkī se jab dekhā ye nazzārā

    zamīñ par aa rahā dham se koī tāj-e-sar-e-dārā

    agar ye railway silsila īrān pahuñche

    to sikkhar par utartā shaḳhs asfahān pahuñche

    ye saare khet ke ganne kaTā laayā hai Dabbe meñ

    vo ghar chārpā.ī tak uThā laayā hai Dabbe meñ

    khaḌe huqqe ba-ma.a-mīnār--eātish-dān to dekho

    ye qaum-e-be-e-sar-o-sāmān sāmān to dekho

    vo ik rassī meñ puurā lāv-lashkar bāñdh laa.e haiñ

    ye bistar meñ hazāroñ tiir nashtar bāñdh laa.e haiñ

    surāhī se ghaḌā roTī se dastar-ḳhvān laḌtā hai

    musāfir ḳhud nahīñ laḌtā magar sāmān laḌtā hai

    vo ik dānā-e-gul logoñ meñ yuuñ ghul-mil ke baiThe haiñ

    razā.ī meñ jo yuuñ baiThe haiñ goyā sil ke baiThe haiñ

    avāmunnās ko dars-e-falāh-e-ām dete haiñ

    bahar-sū thūkne farz bhī anjām dete haiñ

    idhar kone meñ jo ik majlis-e-bedār baiThī hai

    kirā.e par election ke liye tayyār baiThī hai

    siyāsat meñ damā-dam apnā chamcha mārte jaa.eñ

    agarche hārte jaa.eñ magar lalkārte jaa.eñ

    baḌe lauñDe ko maulā-baḳhsh-jī kitnā paḌhāoge!

    ''use b-a pe rokoge ki LLB karāoge!''

    vo b-a hai magar b-a ḳhū aa.ī nahīñ us ko

    abhī maañ baap ke kapḌoñ se aa.ī nahīñ us ko

    baham yuuñ guftugū meñ āshnā.ī hotī jaatī hai

    laḌā.ī hotī jaatī hai safā.ī hotī jaatī hai

    isi mein millat-e-baiza sama ja kud ja bhar ja

    teri qismat mein likkha ja chuka hai tisra darja

    na gunjaish ko dekh is mein na tu mardum-shumari kar

    langoTi kas KHuda ka nam le ghus ja sawari kar

    wo khiDki se kisi ne morcha-bandon ko lalkara

    phir apne sar ka gaThra dusron ke sar pe de mara

    kasi ne dusri khiDki se jab dekha ye nazzara

    zamin par aa raha dham se koi taj-e-sar-e-dara

    agar ye railway ka silsila iran ja pahunche

    to sikkhar par utarta shaKHs asfahan ja pahunche

    ye sare khet ke ganne kaTa laya hai Dabbe mein

    wo ghar ki chaarpai tak uTha laya hai Dabbe mein

    khaDe huqqe ba-ma-minar--eatish-dan to dekho

    ye qaum-e-be-e-sar-o-saman ka saman to dekho

    wo ek rassi mein pura law-lashkar bandh lae hain

    ye bistar mein hazaron tir nashtar bandh lae hain

    surahi se ghaDa roTi se dastar-KHwan laDta hai

    musafir KHud nahin laDta magar saman laDta hai

    wo ek dana-e-gul logon mein yun ghul-mil ke baiThe hain

    razai mein jo yun baiThe hain goya sil ke baiThe hain

    awamunnas ko dars-e-falah-e-am dete hain

    bahar-su thukne ka farz bhi anjam dete hain

    idhar kone mein jo ek majlis-e-bedar baiThi hai

    kirae par election ke liye tayyar baiThi hai

    siyasat mein dama-dam apna chamcha marte jaen

    agarche haarte jaen magar lalkarte jaen

    baDe launDe ko maula-baKHsh-ji kitna paDhaoge!

    use b-a pe rokoge ki LLB karaoge!

    wo b-a hai magar b-a ki KHu aai nahin us ko

    abhi man bap ke kapDon se bu aai nahin us ko

    baham yun guftugu mein aashnai hoti jati hai

    laDai hoti jati hai safai hoti jati hai

    Videos
    This video is playing from YouTube

    Videos
    This video is playing from YouTube

    Syed Zameer Jafri

    Syed Zameer Jafri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now