jo daDhi monchh idhar ghaeb to choTi hai udhar ghaeb

jo dāḌhī moñchh idhar ġhā.eb to choTī hai udhar ġhā.eb

miyāñ haiñ mū-ba-mū ġhā.eb to biivī sar-ba-sar ġhā.eb

isī se āshiqoñ kī fauj kā andāza kar liije

huā do chaar din meñ ghis-ghisā kar sañg-e-dar ġhā.eb

har ik nā-ahl yuuñ chipkā huā hai apnī kursī se

samajhtā hai ye sarkī aur huā sab karr-o-farr ġhā.eb

na thī bandish qafas meñ chīḳhne aur phaḌphaḌāne kī

ye āzādī milī lab band haiñ aur bāl-o-par ġhā.eb

ḳhudā-hāfiz marīzoñ kā jahāñ hoñ aspatāl aise

ki lā-ta.adād nurseñ haiñ davā aur doctor ġhā.eb

jo daDhi monchh idhar ghaeb to choTi hai udhar ghaeb

miyan hain mu-ba-mu ghaeb to biwi sar-ba-sar ghaeb

isi se aashiqon ki fauj ka andaza kar lije

hua do chaar din mein ghis-ghisa kar sang-e-dar ghaeb

har ek na-ahl yun chipka hua hai apni kursi se

samajhta hai ye sarki aur hua sab karr-o-farr ghaeb

na thi bandish qafas mein chiKHne aur phaDphaDane ki

ye aazadi mili lab band hain aur baal-o-par ghaeb

KHuda-hafiz marizon ka jahan hon aspatal aise

ki la-tadad nursen hain dawa aur doctor ghaeb