kisi ka ho nahin sakta hai koi kaam roze mein

Zafar Kamali

kisi ka ho nahin sakta hai koi kaam roze mein

Zafar Kamali

MORE BYZafar Kamali

    kisī ho nahīñ saktā hai koī kaam roze meñ

    jo roze-dār haiñ karte haiñ vo ārām roze meñ

    ise DapTā use ghuḌkā ise piiTā use kuuTā

    machā rahtā hai ghar meñ sub.h se kohrām roze meñ

    ḳhabar kar do mohalle meñ agar chheḌā kisī ne bhī

    usī dam maiñ machā saktā huuñ qatl-e-ām roze meñ

    mujhe achchhī nahīñ lagtī hai terī dil-lagī begam

    tire āġhāz hogā burā anjām roze meñ

    koī bahr-e-salāmī dopahar ke ba.ad kyuuñ aa.e

    tumhīñ kah do maiñ us ko kyuuñ na duuñ dushnām roze meñ

    añdherā chhā gayā āñkhoñ-tale daftar na jā.ūñgā

    mire sar meñ lagāo roġhan-e-bādām roze meñ

    agar dekhoge ibrat nazar se mere chehre ko

    nazar aa.egī is meñ gardish-e-ayyām roze meñ

    paḌe the halq meñ kāñTe to din meñ liyā sharbat

    are zālim mujhe kartā hai kyuuñ badnām roze meñ

    namāzoñ kahāñ tāqat tilāvat kahāñ yaarā

    mujhe dete ho kyuuñ tum maut paiġhām roze meñ

    dikhāyā doctor ko jab to us ne mujh se ye pūchhā

    tujhe har saal ho jaatā hai kyuuñ sarsām roze meñ

    parāThe chaar do murġh-e-musallam khaa.e sahrī meñ

    shikam meñ hai ye kaisā shor-e-be-hañgām roze meñ

    ye rishvat ke haiñ paise din meñ kaise luuñ musalmāñ huuñ

    maiñ le saktā nahīñ sar apne ye ilzām roze meñ

    tire darbār meñ terā ye banda arz kartā hai

    ilāhī das baje din meñ kar de shaam roze meñ

    karūñgā kaam roze meñ 'zafar' maiñ us muakkil

    jo bhejegā bilā-nāġha mire ghar aam roze meñ

    kisi ka ho nahin sakta hai koi kaam roze mein

    jo roze-dar hain karte hain wo aaram roze mein

    ise DapTa use ghuDka ise piTa use kuTa

    macha rahta hai ghar mein subh se kohram roze mein

    KHabar kar do mohalle mein agar chheDa kisi ne bhi

    usi dam main macha sakta hun qatl-e-am roze mein

    mujhe achchhi nahin lagti hai teri dil-lagi begam

    tere aaghaz ka hoga bura anjam roze mein

    koi bahr-e-salami dopahar ke baad kyun aae

    tumhin kah do main us ko kyun na dun dushnam roze mein

    andhera chha gaya aankhon-tale daftar na jaunga

    mere sar mein lagao roghan-e-baadam roze mein

    agar dekhoge ibrat ki nazar se mere chehre ko

    nazar aaegi is mein gardish-e-ayyam roze mein

    paDe the halq mein kanTe to din mein pi liya sharbat

    are zalim mujhe karta hai kyun badnam roze mein

    namazon ki kahan taqat tilawat ka kahan yara

    mujhe dete ho kyun tum maut ka paigham roze mein

    dikhaya doctor ko jab to us ne mujh se ye puchha

    tujhe har sal ho jata hai kyun sarsam roze mein

    paraThe chaar do murgh-e-musallam khae sahri mein

    shikam mein hai ye kaisa shor-e-be-hangam roze mein

    ye rishwat ke hain paise din mein kaise lun musalman hun

    main le sakta nahin sar apne ye ilzam roze mein

    tere darbar mein tera ye banda arz karta hai

    ilahi das baje din mein hi kar de sham roze mein

    karunga kaam roze mein 'zafar' main us muakkil ka

    jo bhejega bila-nagha mere ghar aam roze mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY