kitni Dhal gai umr tumhaari hairat hai

kitnī Dhal ga.ī umr tumhārī hairat hai

ab tak kaise rahī kuñvārī hairat hai

ghar meñ aaTā daal na daliyā phir bhī shaiḳh

bāhar khā.eñ nān-nahārī hairat hai

apnā roz kā milnā āḳhir kaam aayā

ammī ban ga.iiñ saas tumhārī hairat hai

ham to tere tīr-e-nazar se mar jaate

lekin tere haath meñ aarī hairat hai

tere ruḳhsāroñ se duniyā raushan thī

kaise ho ga.ī zulmat taarī hairat hai

bañgla gaaḌī saath meñ naukar-chākar bhī

lekin baabū hai sarkārī hairat hai

tum ko ik din sub.h-savere dekhā thā

kaisī thī vo shakl tumhārī hairat hai

kitni Dhal gai umr tumhaari hairat hai

ab tak kaise rahi kunwari hairat hai

ghar mein aaTa dal na daliya phir bhi shaiKH

bahar khaen nan-nahaari hairat hai

apna roz ka milna aaKHir kaam aaya

ammi ban gain sas tumhaari hairat hai

hum to tere tir-e-nazar se mar jate

lekin tere hath mein aari hairat hai

tere ruKHsaron se duniya raushan thi

kaise ho gai zulmat tari hairat hai

bangla gaDi sath mein naukar-chaakar bhi

lekin babu hai sarkari hairat hai

tum ko ek din subh-sawere dekha tha

kaisi thi wo shakl tumhaari hairat hai