kukDu-kun

na ḳhauf-e-barq na ḳhauf-e-sharar lage hai hameñ

adab ke idiot logoñ se Dar lage hai hameñ

ab aadhī raat ko murġhā kare hai kukḌu-kūñ

nizām-e-dahr hī zer-o-zabar lage hai hameñ

uThāyā jis ne bhī juutā baḌhāyā sar ham ne

qusūr-vār bas apnā hī sar lage hai hameñ

bihār bamba.ī punjab up-o-bangāl

har ek ilāqa hī ḳhāla kā ghar lage hai hameñ

kabhī jalan hai kabhī Tiis hai kabhī dhaḌkan

tumhārā dil bhī kirā.e kā ghar lage hai hameñ

na KHauf-e-barq na KHauf-e-sharar lage hai hamein

adab ke idiot logon se Dar lage hai hamein

ab aadhi raat ko murgha kare hai kukDu-kun

nizam-e-dahr hi zer-o-zabar lage hai hamein

uThaya jis ne bhi juta baDhaya sar hum ne

qusur-war bas apna hi sar lage hai hamein

bihaar bambai punjab up-o-bangal

har ek ilaqa hi KHala ka ghar lage hai hamein

kabhi jalan hai kabhi Tis hai kabhi dhaDkan

tumhaara dil bhi kirae ka ghar lage hai hamein