madad se jin ki main bohran se nikal aaya

madad se jin kī maiñ bohrān se nikal aaya

vo kaam phir unhīñ arkān se nikal aaya

jo ahliya se mujhe bahs meñ shikast huī

to maiñ galī meñ baḌī shaan se nikal aaya

phir is ke baa'd thā hotel kā manager aur maiñ

jo ek baal mire naan se nikal aaya

bas ek chhoTī sī file pe dastaḳhat ke evaz

pajero le ke vo mahrān se nikal aaya

jo pai-ba-pai lage farmā.ishoñ ke injection

maiñ tere 'ishq ke haijān se nikal aaya

vo kaam jis ke liye ḳhasta-o-ḳharāb hue

kisī ke ġhamza-o-muskān se nikal aaya

batā.e jaane lage rate jab karoḌoñ meñ

makān ālam-e-imkān se nikal aaya

madad se jin ki main bohran se nikal aaya

wo kaam phir unhin arkan se nikal aaya

jo ahliya se mujhe bahs mein shikast hui

to main gali mein baDi shan se nikal aaya

phir is ke ba'd tha hotel ka manager aur main

jo ek baal mere nan se nikal aaya

bas ek chhoTi si file pe dastaKHat ke ewaz

pajero le ke wo mahran se nikal aaya

jo pai-ba-pai lage farmaishon ke injection

main tere 'ishq ke haijaan se nikal aaya

wo kaam jis ke liye KHasta-o-KHarab hue

kisi ke ghamza-o-muskan se nikal aaya

batae jaane lage rate jab karoDon mein

makan aalam-e-imkan se nikal aaya