na wo bulbul mein rakkhi hai na parwane mein rakkhi hai

na vo bulbul meñ rakkhī hai na parvāne meñ rakkhī hai

jo us ne ātish-e-'ishq apne dīvāne meñ rakkhī hai

mare par us ko sau durre na kahiye phir to kyā kahiye

tire 'āshiq kī mayyat doctor-ḳhāne meñ rakkhī hai

harām us kī hai ik manzil halāl us kī hai ik manzil

na jaane kyā sifat angūr ke daane meñ rakkhī hai

tajāhul dekhiye vā'iz kā farmāte haiñ rindoñ se

ye kyā shai sāmne saaqī ke paimāne meñ rakkhī hai

zarā dekho to is pīr-e-muġhāñ kī dūr-bīnī ko

mañgā kar shaiḳh kī tasvīr maiḳhāne meñ rakkhī hai

lagī kuchh huuñs aisī shaiḳh be-chāre kī sehhat par

ki ab to aa.e din Dolī davā-ḳhāne meñ rakkhī hai

mohalla ḳhush na un ke baap maañ ḳhush aur na darbāñ ḳhush

kisī din mār-pīT ab un ke ghar jaane meñ rakkhī hai

na bāloñ meñ syāhī hai na muñh meñ daañt vā'iz ke

kasar ab kaun sī mulk-e-'adam jaane meñ rakkhī hai

na wo bulbul mein rakkhi hai na parwane mein rakkhi hai

jo us ne aatish-e-'ishq apne diwane mein rakkhi hai

mare par us ko sau durre na kahiye phir to kya kahiye

tere 'ashiq ki mayyat doctor-KHane mein rakkhi hai

haram us ki hai ek manzil halal us ki hai ek manzil

na jaane kya sifat angur ke dane mein rakkhi hai

tajahul dekhiye wa'iz ka farmate hain rindon se

ye kya shai samne saqi ke paimane mein rakkhi hai

zara dekho to is pir-e-mughan ki dur-bini ko

manga kar shaiKH ki taswir maiKHane mein rakkhi hai

lagi kuchh huns aisi shaiKH be-chaare ki sehhat par

ki ab to aae din Doli dawa-KHane mein rakkhi hai

mohalla KHush na un ke bap man KHush aur na darban KHush

kisi din mar-piT ab un ke ghar jaane mein rakkhi hai

na baalon mein syahi hai na munh mein dant wa'iz ke

kasar ab kaun si mulk-e-'adam jaane mein rakkhi hai