na vo bulbul meñ rakkhī hai na parvāne meñ rakkhī hai
jo us ne ātish-e-ishq apne dīvāne meñ rakkhī hai
mire par us ko sau durre na kahiye phir to kyā kahiye
tire āshiq kī mayyat doctor-ḳhāne meñ rakkhī hai
harām us kī hai ik manzil halāl us kī hai ik manzil
na jaane kyā sifat añgūr ke daane meñ rakkhī hai
tajāhul dekhiye vaa.iz kā farmāte haiñ rindoñ se
ye kyā shai sāmne saaqī ke paimāne meñ rakkhī hai
zarā dekho to is pīr-e-muġhāñ kī dūr-bīnī ko
mañgā kar shaiḳh kī tasvīr maiḳhāne meñ rakkhī hai
lagī kuchh huuñs aisī shaiḳh bechāre kī sehhat par
ki ab to aa.e din Dolī davā-ḳhāne meñ rakkhī hai
mohalla ḳhush na un ke baap maañ ḳhush aur na darbāñ ḳhush
kisī din mār-pīT ab un ke ghar jaane meñ rakkhī hai
na bāloñ meñ syāhī hai na muñh meñ daañt vaa.iz ke
kasar ab kaun sī mulk-e-adam jaane meñ rakkhī hai
na wo bulbul mein rakkhi hai na parwane mein rakkhi hai
jo us ne aatish-e-ishq apne diwane mein rakkhi hai
mere par us ko sau durre na kahiye phir to kya kahiye
tere aashiq ki mayyat doctor-KHane mein rakkhi hai
haram us ki hai ek manzil halal us ki hai ek manzil
na jaane kya sifat angur ke dane mein rakkhi hai
tajahul dekhiye waiz ka farmate hain rindon se
ye kya shai samne saqi ke paimane mein rakkhi hai
zara dekho to is pir-e-mughan ki dur-bini ko
manga kar shaiKH ki taswir maiKHane mein rakkhi hai
lagi kuchh huns aisi shaiKH bechaare ki sehhat par
ki ab to aae din Doli dawa-KHane mein rakkhi hai
mohalla KHush na un ke bap man KHush aur na darban KHush
kisi din mar-piT ab un ke ghar jaane mein rakkhi hai
na baalon mein syahi hai na munh mein dant waiz ke
kasar ab kaun si mulk-e-adam jaane mein rakkhi hai
Source:
Intikhab-e-Kalam-e-Machis Lakhnawi (Pg. ebook-39 page-40)
-
- Edition: 2004
- Publisher: Uttar Pradesh Urdu Academy, Lucknow
- Year of Publication: 2004
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.