shadi ke baad

shādī to ho ga.ī hai magar ab ye haal hai

pocket meñ koī paisa nahīñ bas rumāl hai

ninnānve ke pher meñ aise phañse ki ab

begam kī koī fikr na apnā ḳhayāl hai

tanḳhvāh kam hai aur bahut ghar kā ḳharch hai

din-rāt bas zabān pe ye hī savāl hai

durgat bane hai chaa.e meñ biscuit kī jis tarah

shādī ke ba.ad logo vahī merā haal hai

Dartā huuñ yuuñ ki DaañT na paḌ jaa.e phir kahīñ

begam kī baat Tālūñ mirī kyā majāl hai

begam kī la.an-ta.an hai aur merī shā.erī

ik sher ghar meñ baiTh ke kahnā muhāl hai

kahtī hai mujh se jhoñk do chūlhe meñ shā.erī

ye shā.erī nahīñ mirī sautan chhināl hai

shadi to ho gai hai magar ab ye haal hai

pocket mein koi paisa nahin bas rumal hai

ninnanwe ke pher mein aise phanse ki ab

begam ki koi fikr na apna KHayal hai

tanKHwah kam hai aur bahut ghar ka KHarch hai

din-raat bas zaban pe ye hi sawal hai

durgat bane hai chae mein biscuit ki jis tarah

shadi ke baad logo wahi mera haal hai

Darta hun yun ki DanT na paD jae phir kahin

begam ki baat Talun meri kya majal hai

begam ki lan-tan hai aur meri shaeri

ek sher ghar mein baiTh ke kahna muhaal hai

kahti hai mujh se jhonk do chulhe mein shaeri

ye shaeri nahin meri sautan chhinal hai