shadi ke KHat mein tha jo KHala yaad aa gaya
shādī ke ḳhat meñ thā jo ḳhalā yaad aa gayā
bilkul ġhalat likhā thā patā yaad aa gayā
juute ke intiḳhāb ko masjid meñ jab ga.e
vo jūtiyāñ paḌīñ ki ḳhudā yaad aa gayā
us shoḳh ke valīme meñ khā kar chikan pulāo
kankī ke chāvaloñ kā mazā yaad aa gayā
matlā paḌhā jo us ne register nikāl kar
puurā tilism hosh-rubā yaad aa gayā
ham bhī kabhī vazīr the kaahe ke the vazīr
ham the vazīr-e-āb-o-havā yaad aa gayā
sochā thā aadmī kā qasīda likheñge ham
matlā kahā hī thā ki gadhā yaad aa gayā
shadi ke KHat mein tha jo KHala yaad aa gaya
bilkul ghalat likha tha pata yaad aa gaya
jute ke intiKHab ko masjid mein jab gae
wo jutiyan paDin ki KHuda yaad aa gaya
us shoKH ke walime mein kha kar chikan pulao
kanki ke chawalon ka maza yaad aa gaya
matla paDha jo us ne register nikal kar
pura tilism hosh-ruba yaad aa gaya
hum bhi kabhi wazir the kahe ke the wazir
hum the wazir-e-ab-o-hawa yaad aa gaya
socha tha aadmi ka qasida likhenge hum
matla kaha hi tha ki gadha yaad aa gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
