shahr-e-ashob mein gul-ha-e-wafa kis ko dun

shahr-e-āshob meñ gul-hā-e-vafā kis ko duuñ

kaun muḳhlis hai maiñ ilzām-e-vafā kis ko duuñ

shahr ke shor meñ sahrāoñ kā sannāTā hai

der se soch rahā huuñ ki sadā kis ko duuñ

vo to yūsuf thā magar koī bhī yāqūb nahīñ

ḳhuuñ meñ Duubī huī maiñ us kī qabā kis ko duuñ

shahr meñ vaise mehrbān bahut saare the

kaun qātil thā mirā haa.e duā kis ko duuñ

shahr-e-be-dād maiñ har shaḳhs hai patthar 'pāshā'

kis kī zanjīr hilā.ūñ maiñ sadā kis ko duuñ

shahr-e-ashob mein gul-ha-e-wafa kis ko dun

kaun muKHlis hai main ilzam-e-wafa kis ko dun

shahr ke shor mein sahraon ka sannaTa hai

der se soch raha hun ki sada kis ko dun

wo to yusuf tha magar koi bhi yaqub nahin

KHun mein Dubi hui main us ki qaba kis ko dun

shahr mein waise mehrban bahut sare the

kaun qatil tha mera hae dua kis ko dun

shahr-e-be-dad main har shaKHs hai patthar 'pasha'

kis ki zanjir hilaun main sada kis ko dun