vahshat meñ har ik naqsha ulTā nazar aatā hai
majnūñ nazar aatī hai lailā nazar aatā hai
ai murġh-e-sahar kukḌūñ kuuñ bol kahīñ jaldī
tū bhī shab-e-furqat meñ gūñgā nazar aatā hai
dāḌhī ko tirī vaa.iz sab dekh ke kahte haiñ
vo qasr-e-taqaddus kā chhajjā nazar aatā hai
baaz aa.e mohabbat se ai ishq ḳhudā hāfiz
ulfat meñ jise dekho andhā nazar aatā hai
kuchh tujh ko ḳhabar bhī hai dekh aa.ine meñ sūrat
o tirchhī nazar vaale bhaiñgā nazar aatā hai
saurāj ke chakkar meñ rahte the jo sargardāñ
un logoñ ko ab ḳhālī charḳhā nazar aatā hai
wahshat mein har ek naqsha ulTa nazar aata hai
majnun nazar aati hai laila nazar aata hai
ai murgh-e-sahar kukDun kun bol kahin jaldi
tu bhi shab-e-furqat mein gunga nazar aata hai
daDhi ko teri waiz sab dekh ke kahte hain
wo qasr-e-taqaddus ka chhajja nazar aata hai
baz aae mohabbat se ai ishq KHuda hafiz
ulfat mein jise dekho andha nazar aata hai
kuchh tujh ko KHabar bhi hai dekh aaine mein surat
o tirchhi nazar wale bhainga nazar aata hai
sauraj ke chakkar mein rahte the jo sargardan
un logon ko ab KHali charKHa nazar aata hai
Source:
Intikhab-e-Kalam-e-Zareef (Pg. 44)
-
- Edition: 1984
- Publisher: Uttar Pradesh Urdu Academy, Lucknow
- Year of Publication: 1984
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.