wo nonsense hai itna mujhe pata nahin tha

vo nonsense hai itnā mujhe pata nahīñ thā

ki qul pe us se latīfa kabhī sunā nahīñ thā

jo band karnā thā dariyā ko tum ne kuuze meñ

to ek aam sā loTā ḳharīdnā nahīñ thā

nikāl baiThā thā dandān-sāz bhūle se

vo daaḌh jis meñ zarā sā bhī mas.ala nahīñ thā

khulā ye ba.ad meñ mujh par vo khiir thī dar-asl

jise pulāv pe Daalā thaa, rā.ita nahīñ thā

janāb-e-shaiḳh ga.e the jahāñ pe maTke samet

vo ik stall thā lassī kaa, mai-kada nahīñ thā

wo nonsense hai itna mujhe pata nahin tha

ki qul pe us se latifa kabhi suna nahin tha

jo band karna tha dariya ko tum ne kuze mein

to ek aam sa loTa KHaridna nahin tha

nikal baiTha tha dandan-saz bhule se

wo daDh jis mein zara sa bhi masala nahin tha

khula ye baad mein mujh par wo khir thi dar-asl

jise pulaw pe Dala tha, raita nahin tha

janab-e-shaiKH gae the jahan pe maTke samet

wo ek stall tha lassi ka, mai-kada nahin tha