zindagi hai muKHtalif jazbon ki hamwari ka nam

zindagī hai muḳhtalif jazboñ kī hamvārī kā naam

aadmī hai shaljam aur gājar kī tarkārī kā naam

ilm almārī kā maktab chār-dīvārī kā naam

'milTan' ik laTThā hai 'momin'-ḳhān pansārī kā naam

us ne kī pahle-pahal paimā.ish-e-sahrā-e-najd

qais hai dar-asl ik mash.hūr panvāḌī kā naam

ishq harjā.ī bhī ho to dard kam hotā nahīñ

ik zarā tabdīl ho jaatā hai bīmārī kā naam

muddatoñ nā-dīda nā-dīda nazar se dekhnā

ishq bhī hai ik tarah kī chor-bāzārī kā naam

dil ho yā daliyā ho dānā.ī ki bālā.ī zamīr

zindagī hai ba.az ashyā kī ḳharīdārī kā naam

zindagi hai muKHtalif jazbon ki hamwari ka nam

aadmi hai shaljam aur gajar ki tarkari ka nam

ilm almari ka maktab chaar-diwari ka nam

'milTan' ek laTTha hai 'momin'-KHan pansari ka nam

us ne ki pahle-pahal paimaish-e-sahra-e-najd

qais hai dar-asl ek mashhur panwaDi ka nam

ishq harjai bhi ho to dard kam hota nahin

ek zara tabdil ho jata hai bimari ka nam

muddaton na-dida na-dida nazar se dekhna

ishq bhi hai ek tarah ki chor-bazari ka nam

dil ho ya daliya ho danai ki baalai zamir

zindagi hai baz ashya ki KHaridari ka nam