aah meri zaban par aai

aah merī zabān par aa.ī

ye balā āsmān par aa.ī

ālam-e-jāñ se to nahīñ aaya

ek aafat jahān par aa.ī

piirī aafat hai phir na thā goyā

ye balā jis javān par aa.ī

ham bhī hāzir haiñ khīñchiye shamshīr

tab.a gar imtihān par aa.ī

tab Thikāne lagī hamārī ḳhaak

jab tire āstān par aa.ī

ātish-e-rang-e-gul se kyā kahiye

barq thī āshiyān par aa.ī

tāqat-e-dil ba-rang-e-nik.hat-e-gul

pher apne makān par aa.ī

ho jahāñ 'mīr' aur ġham us kā

jis se aalam kī jaan par aa.ī

aah meri zaban par aai

ye bala aasman par aai

aalam-e-jaan se to nahin aaya

ek aafat jahan par aai

piri aafat hai phir na tha goya

ye bala jis jawan par aai

hum bhi hazir hain khinchiye shamshir

taba gar imtihan par aai

tab Thikane lagi hamari KHak

jab tere aastan par aai

aatish-e-rang-e-gul se kya kahiye

barq thi aashiyan par aai

taqat-e-dil ba-rang-e-nikhat-e-gul

pher apne makan par aai

ho jahan 'mir' aur gham us ka

jis se aalam ki jaan par aai